၂၀၀၉ မှတ်တမ်း

၂၀၀၉ မှတ်တမ်းကိုရေးဖို့ စိတ်မပါခဲ့ဘူး...ဒါပေမဲ့ ရုံးက ညီမလေးနှစ်ယောက်ဖြစ်တဲ့ ဒေါ်အေးအေးအောင်နဲ့ ဒေါ်ယဉ်မင်းဦးတို့က (အမြင်ကပ်လောက်အောင်)တိုက်တွန်းအားပေး ကြလို့..ရေးသားလိုက်ရတာပါ..အမှားတွေပါရင်လည်း ခွင့်လွှတ်ပါလို့ ပြောကြားရင်းနဲ့ ကျွန်မရဲ့ မှတ်တမ်းကို စတင်လိုက်ပါပြီ....
ဇန်န၀ါရီလ- ၂၀၀၉ အစလေးကတော့ လှပပြီးချစ်စရာကောင်းလှပါတယ်...ဘာလို့လဲဆိုတော့ ကျွန်မရဲ့မွေးနေ့ကို လုပ်ဖော်ကိုင်ဖက်သူငယ်ချင်းများနဲ့ အတူပျော်ရွှင်ရလို့ပါဘဲ..သူတို့ပေးတဲ့ လက်ဆောင် ပိတ်စလေးကိုလည်း နှစ်သက်လှပါတယ်..နောက်ပြီး ကျွန်မရဲ့ချစ်ရတဲ့ တပည့် လေးများကိုလည်း မုန့်ကျွေးပါတယ်...ပျော်စရာလလေးပေါ့...
ဖေဖေါ်ဝါရီ- အလုပ်တွေများလို့ ပင်ပန်းတဲ့လပေါ့....
မတ်လ- ဖေကြီးရဲ့ မွေးနေ့ရှိတယ်....ရွှေတိဂုံဘုရားမှာ ရွှေပြားသင်္ကန်းကပ်လှူရန်(၂၀၀၀၀ ကျပ်)ကို ကျွန်မရဲ့ချွေးနဲစာနဲ့ လှူဒါန်းနိုင်ခဲ့ပါတယ်...စာမေးပွဲများနဲ့ စိတ်ဖိစီးတဲ့လဆိုရင်လည်း မမှားပါဘူး ...ဒါပေမဲ့ ကလေးတွေနဲ့ ခွဲရတာ စိတ်မကောင်းဖြစ်ရတယ်....နောက်ပြီးတော့ နဲနဲနားရတဲ့လပေါ့...နောက်စာသင်နှစ်အတွက် ရောက်လာတဲ့ကလေးတွေနဲ့အတူ... နေသား ကျအောင် ပြင် ဆင်ရတော့တယ်....
ဧပြီလ- ဒီလကိုတော့ အကြိုက်ဆုံးပဲ...ဘာလို့လဲဆိုတော့ ပိတ်ရက်တွေများလို့ပေါ့...ရုံးလဲပိတ်၊ စာသင်တာတွေလဲ ပိတ်တယ်လေ...ကျွန်မသူငယ်ချင်းနိုင်နိုင့်မွေးနေ့လည်းရှိတယ်လေ... နောက်ပြီးတော့ သင်္ကြန်ဆိုတဲ့ကာလလေးလည်း ရှိတယ် လေ...ကျွန်မ ဘဘနဲ့ကြီးကြီးက နှစ်တိုင်းမိသားစုမဏ္ဍပ်လုပ်တယ်လေ... အဲဒီမှာ ကျွန်မက ခြောက်တန်းနှစ်ကတည်းကစပြီး ရေပက်ခဲ့တာ ခုထိပါဘဲ...
မေလ- အလုပ်စပြီးများတဲ့လပေါ့...
ဇွန်လ- ဒီလိုဘဲ အလုပ်တွေလုပ်ရင်း စာတွေသင်ရင်းပေါ့...ဒီကြားထဲ Myanmar Egress က ဖွင့်တဲ့ Training for 2009 နှစ်ပတ်ကြာသင်တန်းကို တက်လိုက်သေးတယ်...
ဇူလိုင်လ-ကျွန်မညီမလေး မဉ္ဖူနဲ့ သူငယ်ချင်း ဥမ္မာရဲ့မွေးနေ့ရှိတယ်....ကျွန်မရဲ့ဘ၀မှာ လတစ်လရဲ့ ၂၉ ရက်တွေဟာ ကံမကောင်းတတ်ဘူး...နောက်ပြီးတော့ ကျွန်မတို့မိသားစု အတွက် ၀မ်းနည်းစရာဖြစ်ရပ်တစ်ခု ဖြစ်ခဲ့ပါတယ်...ကျွန်မရဲ့မောင်လေးကိုဖြိုးရဲ့ခြေထောက် တစ်ဖက်ကို တိုင်းပြည်အတွက် ပေးလှူခဲ့ရပါတယ်...ကျွန်မတို့ကတော့ အသက်ရှင်ရက်တွေ့ရ ရင်ဘဲ ကျေနပ်လှပါပြီ...
သြဂုတ်လ- ဆေးရုံနဲ့ ရုံးနဲ့ စာသင်တာတွေနဲ့ လုံးထွေးရစ်ပတ်ရင်း ကျော်ဖြတ်ခဲ့ရတယ်...ဒါပေမဲ့ သူငယ်ချင်းများရဲ့ ဖေးမကူညီမှု(အထူးသဖြင့် အနီးကပ်ရှိနေတဲ့ နိုင်နိုင့်)ကြောင့် လုပ်စရာရှိတာ တွေကို အရှိန်မပျက်ဆက်လက်လုပ်ဆောင်နိုင်ခဲ့ပါတယ်...
စက်တင်ဘာလ- မောင်လေးကိုဖြိုးရဲ့မွေးနေ့ရှိတယ်လေ...အလုပ်တွေ ဆက်လုပ်ရင်းနဲ့ ဒီလ ကို ကျော်ဖြတ်နိုင်ခဲ့ပါတယ်...
အောက်တိုဘာလ- မောင်ငယ်လေး ကိုတိုးမွေးနေ့ရှိပါတယ်...အလုပ်များတဲ့လပါဘဲ...ဆရာ ကန်တော့ပွဲလုပ်တော့ ကလေးတွေကို ပြန်တွေ့ရတယ်...၀မ်းသာရပါတယ်...
နိုဝင်ဘာလ- ဒီလလဲဒိုင်စားတဲ့လပါဘဲ...တပည့်လေးတွေက သူတို့စိတ်ဝင်စားတဲ့ နယ်ပယ်အ သီးသီးကို ၀င်ရောက်နို်င်ဖို့ တိုင်ပင်တာကို စိတ်ဝင်တစားတုံ့ပြန်ရင်း ...ဘ၀မှာ အောင်မြင်ပျော် ရွှင်နိုင်တဲ့သူတွေဖြစ်ဖို့ ဆုတောင်းဆန္ဒပြုလိုက်ပါတယ်....
ဒီဇင်ဘာလ- ဆေးပညာလောကဆိုတဲ့ကျွန်မ၀င်ရောက်လေ့ရှိတဲ့ ဘလော့ကအလှူတစ်ခု မှာလည်း ဆေးပဒေသာပင်အတွက် အလှူငွေ(၂၀၀၀၀ ကျပ်)ကို ကိုယ့်ရဲ့ဝင်ငွေနဲ့ လှူဒါန်း နိုင်ခဲ့ပါတယ်.....လအစပိုင်းလေးကတော့ လှပတော့မလိုနဲ့ ထုံးစံအတိုင်း ၂၉ ရက်နေ့မှာ သူငယ်ချင်းနိုင်နိုင်ရဲ့ ဋ္ဌာနပြန်ပြောင်းရမဲ့သတင်းက ၀င်လာပြန်တယ်...ကဲ...ကောင်းတာနဲ့ ဆိုးတာ ရောထွေးနေတဲ့ ၂၀၀၉ ရေ ....မင်းကိုတော့ နှုတ်ဆက်ခဲ့ပါတယ်...ခု လာမဲ့ ၂၀၁၀ မှာလည်း ဆက်လက်ကြိုးစားရအုံးမှာပေါ့.....

ကဲ..ရေးလို့တော့ပြီးပြီ....
သဇင်နဲ့ဖူးပွင့်တို့ရဲ့ မှတ်တမ်းများကိုလည်း စောင့်မျှော်လျှက်....